2023-09-13, Wednesday, Cloudy
新工上遇上了挫折。寫好的東西達不到標準需要別人執手尾了。雖然同事說沒關係，但反應了自己的不足。有時反省自己為何做事總是不好，為何別人有留意或想到的事情自己總是忽略。現在覺得是自己天生的思考模式問題，可能看多少書都沒用。或者自己應該更適合做地盤呢類工作，而唔係IT。
2023-03-05, Sunday, Cloudy
- Get link
- Other Apps
讀過別人(https://mr6.cc/)的日記, 發現寫日記係一個年紀大左之後讓自己可以好好回顧人生的好方法. 就由今日開始吧, 雖然己經四十有一, 但唔係話只要肯開始永不會遲嗎? 不論多少, 記得就寫一下吧!
來英己半年, 由係香港租居屋(天富苑, 其實算幾好住的)住, 到而家租既係獨立屋, 仲要買左車, 就好似以諾咁講, [我地好似有錢左喎] 咁. 當年係因為環境問題, 呢邊車近乎必需, 養車又相對無咁貴, 而公共交通又相對貴好多, 先至會買啦. 不過呢邊相對唔同階級既距離係無香港咁明顯. 香港係無錢既話, 住既地方會變得好差. 呢邊呢, 當會住得差D, 但一來地方細極有個普, 二來係我地呢D 市鎮仔都係未咁興大型有升降機既分層樓宇, 所以最平既, 唔計分租既屋, 就係排屋了. 排屋最差既可能連後園都無, 但大多係無前園但有少少後園, 通常兩層. 就算比較細, 都比到人感覺係住緊屋, 同細極都有個譜. 相對獨立屋半獨立屋, 以香港人既概念黎講, 感覺上都唔係話太差. 相對香港既居所, 有錢中產同普通人, 因為大小差太遠, 普通人間屋係可以細到大家唔想留係家的, 對比起上黎就差太遠了. 另一個就係車, 大部份人都有車, 分別係有錢人買貴車, 普通人買平車. 香港呢, 就係有同無既分別, 咁感覺上個階級距離變得無咁遠. 當然呢個只係我住鎮仔既感覺啦, 如果入到曼城市區, 或者係倫敦, 相信又係另一翻光景.
工作上, 可以話好彩, 又可以話唔好彩. 好彩既係, CBX比我帶份工過黎WFH. 令我呢半年可以係度企穩, 處理小朋友事情. 唔好彩既呢, 係呢半年D project 出事, 然後原來一D 我無預計要負擔既責任原來係要我負責, 咁就出事了. 睇黎比人炒都已成定局咁滯. 唯有係呢邊搵下工. 希望搵返份負擔到租金同夠食既工先吧! 下一張租約都一定會加租了, 希望下一份工最少有呢份工八成人工, 咁起碼積奇都無咁大壓力搵工, 佢會輕鬆啲.
係呢邊好好彩識到一家好好既香港鄰居, 久唔久會攪下聚會. 而香港同事又個個都好好. 去GYM 啲本地人都好nice, 識左個本地人叫Andy, 佢賞面黎左次食飯. 不過因為WFH 所以都無乜機會識下其他人, 可能係未夠主動吧! 其實之前都有鄰居經過打過招呼, 傾過幾句, 不過記性如我已忘記佢叫乜名, 而且又唔見佢再經過了. 下次睇黎識到新朋友都係記低會好D.
工作方面都要計劃一下了. 其實一直都覺得自己過得渾渾噩噩, 得過且過咁, 人生無甚計劃! 咁就過左40了! 但改變永不會遲. 而家開始用reminder, 黎緊就計劃一下每天的工作吧! 一時懶就樣樣懶, 一時計劃就樣樣有計劃! 等陣就計劃一下要做乜. 聽講有得免費學貨車, 免費既話學下都唔錯, 起碼比人炒左都仲可以睇下返貨車工頂住先. 同埋考下AWS, TOGAF, ZACHMAN 呢類試都要了. 之前成日想上coursera, 但到而家一科都未完成過, 真係不知所謂. 整理一下今年目標吧!
- Get link
- Other Apps
Popular posts from this blog
Install Apache Superset on Ubuntu 18.04
Open terminal. In terminal, run: (base) cbxdev@cbxdev-VirtualBox:~$ sudo apt-get install build-essential libssl-dev libffi-dev python3.6-dev python-pip libsasl2-dev libldap2-dev Create virtual environment (base) cbxdev@cbxdev-VirtualBox:~$ python3 -m venv venv (base) cbxdev@cbxdev-VirtualBox:~$ . venv/bin/activate Upgrade pip and setuptools to latest version. (venv) (base) cbxdev@cbxdev-VirtualBox:~$ pip install --upgrade setuptools pip Install Superset # Install Superset (venv) (base) cbxdev@cbxdev-VirtualBox:~/docker$ pip install superset # Initialize the database (venv) (base) cbxdev@cbxdev-VirtualBox:~/docker$ superset db upgrade # Create an admin user (you will be prompted to set a username, first and last name before setting a password) (venv) (base) cbxdev@cbxdev-VirtualBox:~/docker$ export FLASK_APP=superset (venv) (base) cbxdev@cbxdev-VirtualBox:~/docker$ flask fab create-admin Username [admin]: User first name [admin]: User last name [user]: Email [admin@fab
生的感覺、死的感覺
大家有嘗試過回想出生時的感覺或幻想過死時的感覺嗎? 自出娘胎以來, 小第從來沒有想過自身生死的問題, 即使親人仙遊, 也只有永別親人的傷心, 卻從沒有令自己聯想過自身的問題. 直到遇到了Jackie. 我的至愛, 我開始產生了害怕失去她, 與她別離的感覺, 自始甚至會胡思亂想, 想像與她別離時的痛苦. 那種只要想一想就比死更難受的感覺, 令我害怕死亡, 害怕死亡會把我帶到不知名的遠方, 害怕死亡把我帶到沒有她的地方. 有矛盾, 是嗎? 若那種感覺比死更難受, 為何我會怕死呢? 那種感覺不是比死更難受嗎? 死了就甚麼都沒有了, 沒有感覺, 沒有意識. 那又有甚麼可怕呢? 何況沒有意識感覺的人, 是不會產生感覺和被感覺所影響的. 怕甚麼? 怕, 是因為我認為死不是那樣的, 我心中的死亡是意識墮落無盡的黑暗中, 永無邊際的孤獨及走不出的絕望. 沒有意識的死不可怕, 可怕的卻是生離死別, 死後的存在及無可推想預測的認知. 在這段被自我制造的死亡陰影下, 晚上無法入眠, 早上無法工作. 這段日子身心俱疲. 好像沒有法子生活下去了. 直到有一天, 我和jackie 說起了這個想法. 她便和我說, 死是沒有可怕的. 死後甚麼都沒有了, 有甚麼可怕? 然後, 雖然仍有着對生離死別的點點害怕。但己沒有了對死亡後未知的恐懼了. 最小, 既然我那仙遊了的公公沒有回來告訴我死後如何, 我為甚麼要自製恐懼? 還要被自己個半死 !? 現在回想起來, 我有這種想法的原因可以說是受到各種各樣的外在資訊所影響. 電影, 宗教, 道聽途說的故事, 散文, 網上資訊等等. 往往, 這些資訊描寫死後的世界都是比較負面的. 再加上與jackie 拍拖結婚後, 好像甚麼都有了. 人有了就怕失去. 當你的生命可以擁有很多的時候, 你會特別眷戀生命. 但當你老了, 可以擁有過的東西都有過了, 可以經歷過的都經歷過了, 可以失去的都失去了, 生命再也不能帶來任何色彩時, 生命還有甚麼價值? 這是否就是人老了就可以"睇化"的原因? 我還未到那時候, 不知道. 但知道我現一定要享受生命, 不再為自製恐懼而煩惱.
2023-03-18, Saturday, Sunny
2023-03-18, Saturday, Sunny 星期六的上午, 睡到自然醒, 本應放下工作好好休息, 但還是忍不住要打開電腦. 最後工作如何? 成果方面還是不多. 看來我要盡量以結果為本的方式去工作. 原本還想早點出去行下, 那知家中大小都不願出去. 我也知, 上午不停的做家務是有點攰的. 積奇一早就帶領小朋友把家中所有發霉的牆清潔好, 三間房和兩個洗手間工作量是不少的. 不過雖攰, 也未至於要即時上床睡吧! 大的一睡, 小的就有藉口留家打機了. 所以就更不出去了. 慢慢拖, 就拖到成三點半先出門口. 一上車, 頂, 無油. 咁就由出去行, 就變左去Costco Haydock 入油了. 咁就順便幫Michelle入貨吧. 入完油買完野, 都係不心熄, 要去 Liverpool Castle 睇下. 都係三十多分鐘車程, 轉眼就到吧. 難得小朋友又沒有反對, 即時出發. 途中開始下雨, 積奇問要否改道回家, 但都已在途上, 還是先過去吧, 真的太大雨, 去到便回家. 轉眼間便到了, 那知地圖上標明的地點是不能泊車的, 唯有往回走, 來來回回兩三次, 最後在前一點的路上找到停泊位置停車. 下車時已在下毛毛雨. 原本還說不要下車的小朋友被我逼着下車陪我走走. 這個Liverpool Castle是典型英式的公園, 幾條寬闊的走道慣通大片大片的草地, 主要的行人路兩邊各種一排大樹, 畢直的路一直通往前方. 沿着路走, 路上總是有些泥濘, 黑黑的, 是落葉歸根的輪轉. 在毛毛細雨下和小朋友們一直往前走, 心情就不自覺放鬆下來. 以前在香港很少和子女這樣走, 反而來了英國, 社交小了, 但陪子女的時間多了, 生活不同了, 沒有多姿多彩, 但多了一種放鬆和滿足. 走着走着, 雨越下越大, 也怕子女會着涼, 還是和他們說, 雨開始大了, 回家吧. 雖然只行了短短數分鐘, 也足矣. 那知上車時, 小朋友都說是我不爭氣說大雨要回家, 他們都不怕下雨. 但我只是為他們着想! 誰知他們不領情. 下次還是問清楚好吧, 來這裏對我影響甚深的是, 小朋友的老師非常尊重他們, 即使是阿哥測驗成績好, 老師想在堂上用來鼓勵其他學生, 也會先問過阿哥. 在香港, 可能不會這樣吧. 不是說香港的老師不尊重學生, 而是中國文化的教育下, 都覺得"這是為你好" 然後理所當然
Comments