肥你的家

「酸甜銀紅芡汁」 材料︰白米醋六百克、鹽兩茶匙、片糖四百克，茄汁二百克、喼汁四十克，老抽兩茶匙。 製法︰ 1.煮滾醋； 2.落鹽； 3.落糖，片糖溶解後加茄汁、喼汁，翻滾後下老抽調色。（攤涼後可儲在雪櫃，用時加濕生粉勾芡）。 注意︰步驟先後次序不可調亂。

呢幾日有關撐粵語活動既新聞特別多. 雖然我冇參加, 但對於撐粵語則非常支持. 始終都係自己既母語呀嘛. 今次既事件起因睇左幾篇文章:http://big5.china.com.cn/gate/big5/culture.china.com.cn/2010-07/26/content_20570677.htm . 相信引發問題既的確係同[關於進一步加強亞運會軟環境建設的建議]有關. 其實只要政府肯聽下市民講既野, 同即時推出回應措施令人覺得你係尊重粵語就唔會發生咁多事情. 措施其實可能係針對性咁講話"會保障當地電視廣播自主權"已經可以, 但點解係大陸往往係小事既都可以變成大事呢? 我諗係同中國政制同政府處理手法有關. 今朝出門口時咁岩外父睇緊cctv新聞, 竟然有相關報導. 內容緊係同活動事實冇大關連. 只係重覆返政府無推普廢粵既政策, 但重點係佢竟然將一個撐粵語活動標籤為"別有用心的人"所制造的活動. 並以此在中央電視台播出. 我真係唔敢想像, 點解到而家中央政府既喉舌都仲係咁唔醒水將一d 原本可以係地方文化層面有關既活動明示或暗示咁帶到去國家安全既層面. 係咪想用中央威權直接壓下地方為左本土文化而發起既活動? 咁係咪即係想全中國既文化都變晒得一種文化? 定係唔想面對同處理問題, 只係諗住壓得到就壓? 咁既處理手法同處理新疆西藏問題有乜分別? 只係廣州有$d 同人多d. 資訊傳播快d, 先至唔敢直接用軍隊吧了. 其實當地政府只要有心去了解當地人既需求同表達到佢係有心去了解同解決問題就唔會攪成咁. 另一個好有趣既地方係, 雖然官方機構一而再再而三咁強調政治根本冇推普廢粵既政策. 但似乎無助平息市民既怒火, 或者話根本無人信. 呢個問題就源於中國政府既拖政手法, 同埋一路以黎官員只重自身利益而壓榨小市民既行為. 係大陸, 可以話市民同官員之間根本冇互信. 導致政府講乜都無用. 你同我講無咁既政策, 我就懷疑你而家係先拖延, 後實施. 等風聲無咁緊時就會攞返出黎再攪過. 我唔係一個生活係大陸既人, 亦都知其實係現實生活入面, 個個政府都可以反口覆舌, 講過既野可以當無件事. 但大陸比我既感覺係, 佢反口覆舌得黎, 往往唔聽人講同唔顧實際情況, 亦唔會考慮市民既感受同利益. 而只係識得拖延問題, 同做任何決定都係以官員既利益同政府利益行

稍為看過新方案一下，最大的改動是把新增的五席區議會組別議席的選民由只由區議員組成改為由全港選民中沒有功能組別票的選民選出。即是接近改為直選。 經過咁多年既討論同妥協，終於睇到香港的政治體制改革進落實。即使面對民主只是寸進，卻總比毫無改住為好。 說實話，對香港民主這此年來只能有這小許的進步是頗為失望的。有普選，有民主，可以話係回歸以來就一直有的承諾。亦係中共為左令香港人能支持回歸所作的承諾。但不幸的是，香港人卻被自已的國家欺騙了。作為香港的一份子，我絕對明白當中對中國政府的失望和憤怒。亦看清當代中國和香港的政治現實。中共是為了穩定政權可以說是不擇手段，香港的政治核心從未回到中環，只是從倫敦回歸了北京。這是我們要面對的現實。 現時的由普選聯提出的政改方案的確與香港人的普遍期望有所出入，但觀看各政黨的表現，這方案卻是唯一由非建制派與建制派磋商達成的。政治的現實是，香港人沒有力量令中央政府完全放棄對香港政制的制肘，而香港不幸地亦沒有一個能對香港利益有所承擔的政治家。可以說，普選聯在談判桌上是弱勢的。故所能要求對方所作出讓步的空間不大。以談判方式去達成協議卻比流於叫喊口號要實際得多。若這次的政改再遭否決，很大機會2012的政制會和現時一樣，那損失不是更大嗎？ 的確，若以香港爭取民主的形式與其他地方相比，香港的民主派往往流於叫喊口號，流於表面，易於妥協。但別忘記香港的情況與其他沒有民主的國家不一樣。在網上看了有人把香港與緬甸相比，指出昂山素姬為爭取民主的典範。但昂山素姬的堅持有為緬甸帶來真正的民主嗎？她所提倡的非暴力路線除了感動到很多人外，帶給她的是與至親的分隔。無恥的當權者為了權力是可以無限期的無恥下去。 可以說，如果香港的政制真的要一腳而蹴，最大的可能就是暴力的革命。但別忘了，香港和緬甸的不一樣：人均GDP相差六十多倍（HK:USD 31849/yr vs Burma:USD 459/yr），HDI HK:0.944 vs Burma:0.856，還有較完善的教育制度，法律制度等。香港人的生活相對緬甸人好太多了。可以說，大部份的香港人並不會在事情惡化到影響生活前支持革命。並且，在香港做這事並不可能針對到問題的核心，要為香港爭取真正民主，令政府制定政策之時真正考慮香港利益，只有為中國實現到真正的民主才有可能。而要推進中國民主，最好的就是香港能實現民主政制，作為示範，並以之推進