肥你的家

阿仔病左呀, 今次仲病得好勁下添. 琴晚佢發燒公公婆婆已經帶佢去睇醫生. 點知返到屋企食左藥都仲有少少燒, 同埋有好多痰同成日咳到嘔, 攪到食左藥又嘔晒出黎, 飲左既奶又嘔埋出黎. 今朝婆婆話佢朝早飲左支奶同訓左兩個鐘, 好似好d. 點知朝早帶佢去睇醫生既時候入埋醫院. 唉... 好似係因為醫生擔心佢遺傳到哮喘. 我仲以為自己既哮喘唔係遺傳性既添. 等我仲諗住自己淨係遺傳到d 好野比阿仔, 衰既留返比自己, oh... 而家最能理解我心情既就係老婆啦... 工又唔可以唔返, 但又邊返工邊擔心阿仔... 唉... 不過老婆講左話阿仔情況唔差, 只係入院檢查下咁, 因為係醫生怕佢有遺傳性既哮喘啫. 聽到咁我又放心d. 最慘係外父外母唔肯用手提電話, 而家搵佢地唔到, 都唔知阿仔既最新情況. 今晚邊去睇下阿仔點先... 如果情況仲係唔太好既就"的"佢入私家, 希望會好d 啦. 估唔到幫佢買份保險咁快要用... 唉... 希望今晚唔洗用到. 今晚順手去出返張平卡比外父佢地用先.