肥你的家

新工上遇上了挫折。寫好的東西達不到標準需要別人執手尾了。雖然同事說沒關係，但反應了自己的不足。有時反省自己為何做事總是不好，為何別人有留意或想到的事情自己總是忽略。現在覺得是自己天生的思考模式問題，可能看多少書都沒用。或者自己應該更適合做地盤呢類工作，而唔係IT。

剛過去的星期日帶了三個同事四處去行，當然也帶了積奇。葡國來的同事建議去Castleton及Buxton。上午十時度到他們下塌的酒店，接了他們就出發。由曼城市中心過去都要一個小時多一點的車程。沿途風景優美，有一段路是在山上走的。我在開車不便觀看，但積奇及同事們也說不錯。進入Castleton 這個小鎮的路是在兩座山中間的峽谷穿過的。入口出口都有針對牛羊的設施，車走過時都發出震盪的聲音。路斜及窄，沿途一直有對頭車。但還好自己的技術進步不少，還能應付。向下開了兩三分鐘就到小鎮了，是一個遺世獨立的小鎮。一進去，那些屋都是石建的cottage，小鎮不大，向前幾分鐘就到旅客中心。泊車也不貴，2-4小時 4 鎊，雖然這次停留不久，但吃了飯也過了兩小時，所以除非肯定兩小時內能走，否則還是2-4好了。 下車後原來當地有一些廢棄礦坑及一個城堡可參觀。城堡要6.8入場費，但剛好不開。同事帶着我們沿小路走去另一個礦洞景點，怎知入場要20鎊！不知內裏是否值得，又不會停留太耐，我們最後還是拍照留念後就往回走了。小路沿途有不少特色小店，景色怡人。最後同事問路遇上當地人，介紹我們去了Rose Cottage，環境及食物俱佳。那個三文治真的給了我很多啟發！原來Marmalade加牛扒粒及芝士是一個不錯的配搭！三文治原來也可以只用一片多士，然後上面放滿牛肉及Blue Cheese再焗熔也可！要找一天在家試試！而且以遊客區來說收費也不算貴，值得再去。 午飯後到了附近的 Odin Mine Crushing Wheel的對面的一個礦洞。同行的同事很有冒險精神，一直走進去，巾幗不讓鬚眉。然後我們再上了附近的一個山。山上原來有一條舖好的山路沿山走。可惜下雨，我們就下山回車上了。然後我們過了 Buxton，又是一個旅遊小填。在GoogleMap上看到有很有特色的建築，去到郤沒有想像中的宏偉。不過同事剛好買了一對耳環給她的朋友，也算是有收穫。 回去曼城大約一小時。做乘客的就可小睡一回了。還好自己還是喜歡開車，也沒覺攰。就這樣渡過了不錯的一天，也多了一個下次可以再去的地方。

 成個月都無寫了，可能生活安逸了就沒太多要呻的事吧。不過今日終於都打開電腦，就順便寫一下近來的事。 右腳因為踩單車返工的傷都未好，已經有個幾星期了，傷口仲係詭異的顏色，不過食左成個星期的抗生素感覺係好左，隻腳無咁腫。而家要等到黎緊星期三先再見護士，到時會再處理傷口同攞樣本化驗，希望到時會好吧。 上星期兩隻貓仔做左絕育，呢幾日都要戴頸圈防止佢地舔傷口。估唔到既係兩隻貓仔竟然會主動食藥，而且做完手術後唔知係咪攰左，比之前更加痴人，夜晚仲要貼住你咁瞓，攪到小朋友同老婆更鐘意佢地了。希望佢地盡快康復，可以除左個頸圈佢，再帶佢地出去行下吧。 工作方面，暫時都好似幾順利咁，不過可能自己都係唔夠主動，要好似同事咁主動問下上司自己的工作表現先得。

 2023-07-10，星期一，有雨 今日有雨，天氣稍涼。朝早出門時諗住着長䄂，但點知積奇話今日熱鬧我唔睇天氣，咁唯有換返件短打返工。點知凍到hihi，然後我就流左成日鼻水。特別係巴士站度見到本地人都着長䄂時，真係既羡慕又妒忌。不過我唔凍。 星期六Raymond同Evan佢地黎左食飯，咁岩Raymond生日，咁就請埋佢地食飯啦。由晏晝三點幾食到夜晚八點幾，然後仲要有個蛋糕，真係飽到飛起。 琴日Eddie同左我去攞單車，好彩有佢幫手睇。其實佢都睇到有少少問題，不過淨係件都值果個價，咁就試下啦。本身諗住明天踩單車返去，不過自己好似乜都未準備好咁，可能明天都係巴士返去算了。

 2023-07-07，星期五，晴 今日係係新公司第四個星期了，去了新公司舒服了，也少了寫日期了。或者是好事吧。過去幾個星期係新公司的生活實在是太好了，好得有點不真實。加上長長的試用期，實在令人感到忐忑。越好的才越怕失去。不過呢邊公司文化唔同，又真係令人工作更有動力。又或者係環境問題吧，我的確係公司環境工作效率會高啲，呢幾個星期一直都返公司，都叫一直保持到個工作效率，睇黎都要一直返公司先得。 睇中左架290既單車，問過Eddie，睇黎都叫抵買，應該都會買了。第一次試炭架單車，希望OK吧。

2023-04-09, Saturday, Sunny 經過之前的低潮後, 個人諗開左, 感覺好左, 連寫日記都變周記. 以之前心情唔好時需要寫文章發洩去睇, 係好事. 但亦都係比自己睇到自己唔夠自律的一面. 寫日記其實或長或短也可, 但中間經常停的話就不能養成習慣了. 這亦是自己的缺點, 安排了的事情, 如非"被迫的" 就往往不做了. 另一個問是, 做的過程往往想太多, 變得有點拖延. 連求職的500字都寫了兩三天也還沒第一個版本. 好聽的是追求完美, 不好聽的是拖泥帶水. 缺點已知很久, 暫時還改不掉, 將來不知, 但求令自己向改善方向走就好了.  重點是要令自己更注重"成果". 雖說很多事情的好壞不能只以"成果"去衡量, 但這只是當你盡力後對自己的安慰. 有"成果" 絕對會比沒有更好. 自己一直不太追求成果的性格真的令自己一事無成. 繁事都要訂一下目標, 有追求較好. 今日係難得既四日連假入面既第二日. 琴日就hea hea 地咁過左日, 又話要寫好求職信, 點知又寫唔完. 唯一有成功感既事就係去幫水生抬佢啲隔熱板上屋頂. 今日就一早同阿哥傾好左要出去玩, 而阿哥又好乖咁幫手搵左個 Beeston Castle 話要去行下喎, 咁就一早準備出發啦. 好彩臨出發前睇睇有無乜要特別留意, 原來果度係要入場費既. Beeston Castle係屬於English Heritage管理既城堡, 而管理城堡需要維修需要其他支出, 咁收入場費係好合理既. 但個價呢... 又真係唔平, 要十幾鎊一個大人. 咁就走去睇下會唔會好似National Trust咁有會員制啦, 佢又有喎, 咁就快手上網攪埋就出發. 點知頂, 去到發現原來有得即場攪, 仲要有75折, 內心即刻萬馬奔騰咁爆粗. 不過錢都比左, 唯有當睇唔到, 好好享受下. 入場攞住張野問職員, 原來係做左會員呢, 正常係唔洗錢入場既. 但今日因為有復會節節目, 然後就變左做要收多7.5鎊了... 既然都渣左成粒鐘車黎左, 算了照衝入去.  其實去到就係一個環境優美既殘破古堡. 坐落於一個小山丘上. 小山丘係十幾分鐘就行到上山頂的了. 山腳係接待處, 山腰係城牆, 然後山頂係城堡. 城堡前有一條類似乾涸的護城河的深坑. 從包圍的破落城牆中

 2023-03-28, Tuesday, Cloudy 隔了十天, 說好的日記才又寫, 看來自己的紀律有待改善.  過去的星期六的deployment有點事, 星期日上報還有點問題, 上司處理過後, 就收到消息說要辭退我. 心情一直不好. 這兩個月的所謂績效改善審核累積的壓力就快要爆發. 永遠都只是說做的是不應該做的事情, 做了的事情又不被認何. 星期六的deployment, 事先找AMG 做的Index用不了, 做了要re-index的決定. 是因為受着星期一一定要做好migration的壓力的因素. 有人說不應該這樣做, 因為這是不在可控範圍內的事. 但就着當時的決定因素, 本來的re-index就一直都預計不會跑太耐, 應有有充足時間. 二來就是就着星期一的壓力. 事後孔明當然知這是不太好的決定, 也是因為跟隨了之前情況的做法. 最好的是應該要rollback, 那後果都是一樣是上司不滿, 但最少不是自己的決定是錯. 也應該更早回報另一位上司, 那就可能盡早下rollback的決定. 而現在是事情解決了, 但錯誤的決定就我要承受了.  不過幸好星期日去了演唱會, 看過後心情好了不少. 但星期一起床上班時還是覺得壓力很大, 一想起工作就身體不適, 這是以往沒有過的經歷. 最後今天受不了要放假一天, 才好像好一點. 加上感到好多人既支持. 其實係對自己渡過難關有幫助的. 不過情緒係要時間去處理, 看來我自己都要時間放鬆. 

2023-03-18, Saturday, Sunny 星期六的上午, 睡到自然醒, 本應放下工作好好休息, 但還是忍不住要打開電腦. 最後工作如何? 成果方面還是不多. 看來我要盡量以結果為本的方式去工作. 原本還想早點出去行下, 那知家中大小都不願出去. 我也知, 上午不停的做家務是有點攰的. 積奇一早就帶領小朋友把家中所有發霉的牆清潔好, 三間房和兩個洗手間工作量是不少的. 不過雖攰, 也未至於要即時上床睡吧! 大的一睡, 小的就有藉口留家打機了. 所以就更不出去了. 慢慢拖, 就拖到成三點半先出門口. 一上車, 頂, 無油. 咁就由出去行, 就變左去Costco Haydock 入油了. 咁就順便幫Michelle入貨吧. 入完油買完野, 都係不心熄, 要去 Liverpool Castle  睇下. 都係三十多分鐘車程, 轉眼就到吧. 難得小朋友又沒有反對, 即時出發. 途中開始下雨, 積奇問要否改道回家, 但都已在途上, 還是先過去吧, 真的太大雨, 去到便回家.  轉眼間便到了, 那知地圖上標明的地點是不能泊車的, 唯有往回走, 來來回回兩三次, 最後在前一點的路上找到停泊位置停車. 下車時已在下毛毛雨. 原本還說不要下車的小朋友被我逼着下車陪我走走. 這個Liverpool Castle是典型英式的公園, 幾條寬闊的走道慣通大片大片的草地, 主要的行人路兩邊各種一排大樹, 畢直的路一直通往前方. 沿着路走, 路上總是有些泥濘, 黑黑的, 是落葉歸根的輪轉. 在毛毛細雨下和小朋友們一直往前走, 心情就不自覺放鬆下來. 以前在香港很少和子女這樣走, 反而來了英國, 社交小了, 但陪子女的時間多了, 生活不同了, 沒有多姿多彩, 但多了一種放鬆和滿足. 走着走着, 雨越下越大, 也怕子女會着涼, 還是和他們說, 雨開始大了, 回家吧. 雖然只行了短短數分鐘, 也足矣. 那知上車時, 小朋友都說是我不爭氣說大雨要回家, 他們都不怕下雨. 但我只是為他們着想! 誰知他們不領情. 下次還是問清楚好吧, 來這裏對我影響甚深的是, 小朋友的老師非常尊重他們, 即使是阿哥測驗成績好, 老師想在堂上用來鼓勵其他學生, 也會先問過阿哥. 在香港, 可能不會這樣吧. 不是說香港的老師不尊重學生, 而是中國文化的教育下, 都覺得"這是為你好" 然後理所當然

2023-03-14, Tuesday, Cloudy 這篇是數日(2023-03-18)後補回的. 實說都不太記得這天發生了甚麼事, 應該都是比較瑣碎的事吧, 沒記錯還是工作再工作, 然後沒有足夠時間去健身室, 就連續三日都沒去了.  只記得那些天工作的壓力令自己都不太能掌握每天發生的事. 然後好像一直在忙在忙, 但又沒成果. 有種完全不想工作, 只想逃避的感覺, 然後工作時間都在做另一些事情在逃避. 實說這樣的員工被辭退也是正常. 而自己只是在做最後的爭紮吧, 每當想起家中大小, 就知自己不能停下來. 然後壓力得不到排解, 工作也得不到改善, 就循環下去. 要找一個突破的位置也真的不易.

2023-03-17, Friday, Sunny 今日中間開會, DFI 又出事, 出奇地老闆無發脾氣. 而且安排作時都無. 令我緊張的神經得以舒緩. 起碼唔提心吊膽咁做野, 精神無咁緊張, 唔會亂諗野都會做得好D. 計劃了一下下星期工作開始時要做甚麼, 其實都不外如下: 1. 記錄團隊要做甚麼 2. 各人在做甚麼 3. 自己要做甚麼 4. 自己在做甚麼 5. 評估各重要性及次序.  6. 安排人手工作. 不過這一直是我的弱項. 其實應該可以找人幫忙記一下吧... 另外, 對一些用了時間但找不到原因的事情, 也要主動報告一下做了甚麼. 那就是Day End 要做的事情了. 那總括就是: 早上: 查看各項目的Jira. 查看各人在做的Jira. 自己需要負責的事. 追進度. 中午: 安排各人工作 更新一下工作進度細老闆. 下午: 做一些自己要做的事. 總結一下各項目工作及留言給同事明天負責. 先這樣吧.

 2023-03-16, Thursday, Cloudy 琴晚太攰, 今日攞左假休息. 想搵地方行下, 老婆就建議去Designer Outlet Cheshire Oaks 行下. 約45分鐘車程就到. 我地兩個同埋鄰居Lily一齊去, 有個去過既帶路係好行D. 不過價錢比我想像中貴, 但都係比出面平既價. 可能因為有20%稅啦. 但感覺上某D 牌子就抵D. 本身見到幾對鞋都唔錯, 又算平, 但最後都無買到. 自己都仲有幾對鞋放左係度無着, 幾平都好買返去都係阻地方. 然後係Puma度睇中對釘鞋想買比以心, 但鞋型太窄, 都係下次帶佢黎試岩先買. 最後成兩點先走, 遲左小小接阿哥添. 不過佢都好乖咁等我地.

2023-03-15, Wednesday, Cloudy 星期二果篇完全唔記得寫, 甚至唔記得自己做過乜, 只係記得自己偷懶無去做尖. 然後呢篇都係星期四寫, 希望星期五唔好再唔記得. 今日約左Nelvin係Birmingham食飯. 佢同Mill姐黎歐遊, 然後特登係倫敦渣車上黎, 咁阿May又未考到車牌, Vee又係住果頭, 咁緊係我渣車落去Birmingham, 攞個中間位啦. 最後我地去左 https://goo.gl/maps/mmRtihnTUDzVmWGu7. 本身Michelle話唔去, 其實都怕自己一個人渣兩個鐘車好悶. 好彩佢最後都得. 一路有人同我傾計, 兩個鐘車程就好快到. 我地六點九過D 到左, 點知原來Nelvin佢地爆左軚! 最後攪到八點九先到! 變左都唔太夠時間聚舊. 最後我地九半度走, 係出面傾左陣就閃了. 然後又兩個鐘車程, 送完Michelle再返家, 成十二點幾訓.

 2023-03-13, Monday, Windy 之前用口語寫的日記其實有點不堪入目. 今天日記試試用比較近接書面語的方式寫, 順便練習一下書面語吧. 今天風很大, 大得積奇把車停下來也感覺到車在搖擺! 這裏可能山不多, 都是高低起伏, 比較平穩的地勢, 加上這裏本身是一個很大的島, 所以不時會很大風, 強度和颱風一樣! 在香港除了有颱風時都不會有這麼大的風, 下次看見要出外感受一下才是. 今天工作也是內心放不下壓力. 還是有點逃避的感覺. 不過慢慢開始把東西發給開發人員做, 不留在自己上. 希望可以改善自己的工作效率! 雖然還是不太習慣追別人的工作進度, 但就用這次的工作作為練習把. 反正都會離開, 那還有更差的情況嗎? 沒有更差的情況, 那邊盡量用此機會改善自己, 才不會更差! 上星期都開始記下自己的工作, 但對發出去的好像還是不太記下來, 明天要好好研究一下怎利用系統改善這點, 否則都很難管理工作的進度. 那就錯失這個機會了.

 2023-03-12, Sunday, Cloudy 今日好頹, 頹到係床度打無聊Game到成十二點先起身. 我覺得臨近開工, 個壓力好大, 好想逃避! 雖然知道咁唔得, 星期五Raymond同June又開解過我, 我自己理性上又知其實無乜大不了, 最多咪慳D 洗同搵工, 但始終都係好大壓力! 之前都奇左好幾封求職信, 但都無乜回音. 少不了擔心. 不過作好最壞打算, 打住最得工資的話其實都頂到一排. 反而今次係睇得出自己既性格問題! 自從比中鬧得勁, 就有種逃避既心態, 令自己工作上既安排都有好多事情無做到!即使上司幾耐頂都好, 同佢溝通係工作一部份, 逃避只會令自己工作更不順利, 然後件事只會更大鑊, 所以先有今次比人炒既危機! 希望過左今次中年危機後自己工作方式會有進步, 認清自己弱點, 令自己更有目標!

2023-03-11, Saturday, Sunny 經過琴晚一餐飯, 其實今日好應該放低工作然後放假. 但忍唔住諗, 情緒上好似都有D 影響咁, 唔係一件好事. 一直比情緒影響其實根本唔能夠正常工作. 希望過左星期日會好D 吧. 今日又想出去行山, 叫極個女都唔出去, 不過好彩兩個男仔肯出去. 四個人去左Bolton再上小小既 Mill Lane Waterfall 行下. 開頭出發前第一樣要諗既就係泊車. 見到google map 講果條路, 單程路黎既? 渣到過去, 真係一條幾窄既路, 好彩出發前已經搵左另一個附近既地點, Roddlesworth Information Centre有得泊車. 果度應該係比人渣車過去行山既地方, 所以有個information centre係度. 渣過去果個information centre時有驚喜, 原本都留意到附近比較大雪, 點知去到information centre前果條唔繁忙既路前面有農場, 而且積左勁厚既雪! 咁大個仔都未見過咁厚既雪, 又咁岩見到個位停到車, 即刻落車玩! 我地一家人都未見過咁厚既雪, 兩個仔都玩得好開心, 仲要砌左個雪人! 好可惜阿囡唔肯出黎, 如果唔係就係成家人一個美好既回憶! 唯有下次. 希望阿囡都明白, 有時係要走出去先睇到更多野. 渣左無耐就到, 好好彩係果度搵到個位泊車, 隔黎就有間叫Royal Arms 既餐廳. 問兩個男仔肚唔肚餓, 佢地話想食野! 咁就試下間餐廳啦. 一入門口, 就有一張附近既半立體地圖. 入到去, 招乎就嘛嘛, 我問坐唔坐得果張枱, 就咁話留左枱就走左去, 又唔話比我知係要自己搵定係度等帶位, 其實都幾唔好招乎. 不過果度得佢一間, 想食野就唯有忍下. 再行入D, 至搵到張枱, 然後另一個話OK, 就坐低叫野食. 另外兩個衣著唔同既Waitress 過黎問我地飲唔飲野, 即刻一人叫左杯野食先, 再慢慢叫野食. 唔知係咪第一個遇到既招乎太差, 覺得呢兩個又幾好招乎喎. 最後叫左兩個漢堡包, 一個湯, 同一個Barm. Barm係平好多既相對, 入面夾一塊black pudding同一塊gammon, 仲有原粒芥辣, 唔錯! 而漢堡就更好食, 唔止有漢堡扒同菜, 仲要落左煮過既牛肉碎, 個汁仲要好食同埋好夾個漢堡!雖然要十幾鎊但其實都值! 最後我地食左四十幾

2023-03-10, Friday, Cloudy 琴日知道有工作危機之後, Raymond同阿June即時約左我今日食晚飯, 諗住開解下我傾下計咁啦. 佢地兩個都好好人, 對我呢個同事既工作危機都咁上心. 作為朋友+同事真係好好. 不過同樣地, 我覺得好似麻煩左佢地咁. 我地去左Trafford centre 果間Pesto食飯, 原來果度有個餐係10.99/12.99 一位, 然後每人可以揀3樣野食咁架, 再加飲品, 每人都係廿頭, 都係一個唔錯既選擇. 起碼有9 樣野大家可以試. 有好食有唔好食啦, 但大多都唔錯, 然後我地仲要食唔晒. 我覺得可以搵日同小朋友再去試下. 席間傾左好多野. 去到講我既工作時, 阿June都比左好多好好既意見. 其實自己做得唔好既地方, 自己都會知的. 所謂唔夠主動呀果. 但我本身入黎做時真係唔知要負責呢D, 同埋唔太識管理. 然後無人帶, 加上project出事, 咁就出事了... 係我角度睇, 啲野本身係team lead做, 而我上司亦無指示我要點做. 出事就講句:[ 呢D 你要睇架喎.]咁, 其實對我黎講唔太公平. 雖然有樣野阿June講得岩, 老細比呢個價錢你, 唔預你做低層資既事, 而係做管理既事, 而管理係要主動既. (所謂你唔管人, 人就管你) 但真係用錢去講既話, 其實老闆呢種唔講清楚就話你咁既人工要做呢D 既心態, 亦唔係一個合理既管理方式. 講錢既話, 公司個個人工都唔同, 而且對老闆黎講一定係人工越低越好. 咁係咪低過一個點, 就唔洗做指派佢做既事呢? 定責不清, 無統一既系統管理, 而我本身都只叫technical consultant, 但突然就變左做咁, 我又點知我有無咁既權/責去處理呢? 不過點都好啦, 聽完分析, 都覺甚有道理. 而家都去到最後階段, 咪唯有試下新方式工作, 睇下效果係點. 咁起碼比人炒前都叫有機會試過下管一大班人係乜一回事. 最後走時我架車得返兩格油, 阿June佢地兩公婆好好咁陪我去入埋油先走. 返到去都成十點半了.  朋友恩情在心中.

2023-03-09, Thursday, Snowy 估唔到有一日我寫日記會寫[下雪], 當然也估唔到有一日我會去左英國住. 今日收到個消息, 就係將會比人炒. 或者我咁既模式真係好難去同香港果邊合作吧. 基本上都唔會知果邊乜野事, 然後出左事隻鑊當然係我負責了. 好彩既係遇到好好既同事, 感覺到佢地一直幫我. 但當然有D 野係唔應該要人地一直幫. 如果自己攪唔掂, 其實人地幫得到你幾多呢? 與其要人地一直幫, 又同唔到上司夾. 工作壓力又大, 又攪到唔知自己應該點做, 離開可能仲好. 幸運既係岩岩計過, 如果做返 Junior developer, 人工低D 都好... 其實只要每月實收到2000鎊都夠洗. 當然要搵到份工都唔易, 但馬死地行就係咁了. 希望每月2000 都搵到吧. 如果好似其他人咁講, 人工低好多, 但工作量又低好多, 咁錢少左其實生活質素可能反而高左. 係小朋友大左後讀大學果下大鑊啫. 唔開心都無用, 咪當自己祼辭過黎, 横掂舊年都諗過咁做, 而家反而適應左先發生, 其實都賺左了. 搵工先.

2023-03-08, Wednesday, Snowy 為免又好似琴日咁唔記得, 都係提早寫日記好D. 今日真黑仔, project又出事. 然後最後又係入我數比人鬧. 但究竟關唔關我事呢? 之前dev team 出左built改善memory consumption, 但最後今日都係接近爆memory. 然後咁岩比老闆早過我睇到, 咁老闆話要開多隻機, 但最後因為AMG 攪到停左成粒鐘service... 當然老闆自己柒左佢係唔會鬧自己既. 最後比人鬧係因為見到AMG deploy完後入唔返, 咁幫手睇. 然後個結論係因為DFM 現時個CAS SSO implementation唔能夠行雙, 要行單腳. 咁當然唔岩老闆心水, 就比人柄了. 仲要因為講左句有static list 儲起CAS PGT/PGTIOU mapping而比人叫我辭職... 果下真係... 最後原來係無用到static variable. 不過都比人鬧左, 其實都係自己問題. 一來無睇清楚, 二來其實只係因為DFI 未merge code, 呢個其實一早fix 左. 咁就蝕左了. 有時並唔係我既問題, 但比人感覺就係我既問題, 睇黎我係呢度都係無運行. 都係專心搵工好D. 如果Java developer真係好似網上咁講同而家人工差唔多... 轉工無咁大壓力都係好事. 雖然知道好多同事想幫我, 但實說, 工作既野自己做唔好, 都係自己責任. 當然, 呢間公司的確有好多問題阻住人做野, 而自問亦都唔係工作能力既問題. 但點解會present到係自己既問題咁呢? 又或者, 點解好多野都係自己去做而唔係比dev team做, 然後攪到自己攪唔掂要做既野呢? 其實turn out 都係自己既責任要去改變. 有時真係想學下[責任不在我方], 但咁又有乜意思呢? 今日見到family group 內淇淇定出黎婆婆同大姨婆既相, 見到佢地都精精神神我都好開心同安心. 希望可以一直見到佢地就好了. 或者定工作穩定D, 轉工又好, 或者被逼離開都好, 萬事都穩定後返下佢探佢地吧... 畢竟見少一日就少一日了, 離開香港前都未有機會探佢地, 希望今年會有機會返去吧.

2023-03-07, Tuesday, Sunny um... 第三日就斷欖... 唯有今日補返. 今晚要記得寫埋先訓. 琴日工作上用左"事無大小記下, 完成後稱讚一下自己" 的方法後, 好像比較有效率. 減少了潛意識逃避工作的情況. 雖然未完全根除, 最少看到自己的進步. 再努力吧! 不過google過呢邊Java developer人工都唔錯, 其實真係好有吸引力去轉工! 如果做返developer都人工差唔多, 咁好過做呢度吧... 壓力山大. 去尖hea做左一粒鐘度, better than nothing. 夜晚就打邊爐, 渡過左愉快的打邊爐時光. 其實都無甚特別吧. 人到中年的平淡生活. 見到表妹探婆婆影既相. 婆婆都仲好精神, 真係好. 希望婆婆一直龍馬精神就好了.

 2023-03-06, Monday, Cloudy 今日好不容易有了工作的狀態, 最小在嘗試把工作分給開發團隊做, 感覺上好像比之前好不少. 既然上司都已打算辭退我, 那死馬當活馬醫吧. 最少今次的失敗能令自己知道做得不足的地方, 之後就不要再犯了. 今日幸運地睇到一篇文章(https://www.businessweekly.com.tw/careers/blog/3010470), 獲益不淺! 拖延症及管理自己一直都係自己既大問題. 所以都人到中年, 還是一事無成. 而家新環境下, 也是時候為自己帶來改變, 就嘗試一下文章中提到的事無大小都記下來, 做好後就稱讚一下自己的做法吧! 不知道我在這間公司還有沒有時間, 還是辭退的事情是確定. 不過這間公司工作壓力真的有點大, 而且這次也算是非戰之罪吧... 畢竟轉了做不擅長的工作, 由technical consultant 到加入了一堆管理的工作... 如果沒時間轉型也沒法了. 希望找一份工作壓力沒那麼大的developer工, 人工低點, 但夠糊口也罷. 工作上還是打不破慣常的模式, 特別係對上司報告進度及討論工作, 上司的變幻莫測及雞蛋裏挑骨頭的態度實在令我卻步. 不過無論怎樣也要試試, 畢竟這就是工作吧. 今日也是平常的一天, 工作, 運動, 晚飯再工作. 如果能夠集中精神在工作時間工作及寫好工作進度, 應該生活會更美好. 幸運的是, 小朋友這半年在這邊學習及生活都很開心, 積奇也如常, 看上去沒太大的不適應, 也算是平平安安了. 最煩惱的也是我, 但轉一下角度, 如果要轉工也未嘗不是好事. 何況自己也做好心理準備, 甚麼工也可以做, 那也不要浪費精神去擔心了.

讀過別人(https://mr6.cc/)的日記, 發現寫日記係一個年紀大左之後讓自己可以好好回顧人生的好方法. 就由今日開始吧, 雖然己經四十有一, 但唔係話只要肯開始永不會遲嗎? 不論多少, 記得就寫一下吧! 來英己半年, 由係香港租居屋(天富苑, 其實算幾好住的)住, 到而家租既係獨立屋, 仲要買左車, 就好似以諾咁講, [我地好似有錢左喎] 咁. 當年係因為環境問題, 呢邊車近乎必需, 養車又相對無咁貴, 而公共交通又相對貴好多, 先至會買啦. 不過呢邊相對唔同階級既距離係無香港咁明顯. 香港係無錢既話, 住既地方會變得好差. 呢邊呢, 當會住得差D, 但一來地方細極有個普, 二來係我地呢D 市鎮仔都係未咁興大型有升降機既分層樓宇, 所以最平既, 唔計分租既屋, 就係排屋了. 排屋最差既可能連後園都無, 但大多係無前園但有少少後園, 通常兩層. 就算比較細, 都比到人感覺係住緊屋, 同細極都有個譜. 相對獨立屋半獨立屋, 以香港人既概念黎講, 感覺上都唔係話太差. 相對香港既居所, 有錢中產同普通人, 因為大小差太遠, 普通人間屋係可以細到大家唔想留係家的, 對比起上黎就差太遠了. 另一個就係車, 大部份人都有車, 分別係有錢人買貴車, 普通人買平車. 香港呢, 就係有同無既分別, 咁感覺上個階級距離變得無咁遠. 當然呢個只係我住鎮仔既感覺啦, 如果入到曼城市區, 或者係倫敦, 相信又係另一翻光景. 工作上, 可以話好彩, 又可以話唔好彩. 好彩既係, CBX比我帶份工過黎WFH. 令我呢半年可以係度企穩, 處理小朋友事情. 唔好彩既呢, 係呢半年D project 出事, 然後原來一D 我無預計要負擔既責任原來係要我負責, 咁就出事了. 睇黎比人炒都已成定局咁滯. 唯有係呢邊搵下工. 希望搵返份負擔到租金同夠食既工先吧! 下一張租約都一定會加租了, 希望下一份工最少有呢份工八成人工, 咁起碼積奇都無咁大壓力搵工, 佢會輕鬆啲. 係呢邊好好彩識到一家好好既香港鄰居, 久唔久會攪下聚會. 而香港同事又個個都好好. 去GYM 啲本地人都好nice, 識左個本地人叫Andy, 佢賞面黎左次食飯. 不過因為WFH 所以都無乜機會識下其他人, 可能係未夠主動吧! 其實之前都有鄰居經過打過招呼, 傾過幾句, 不過記性如我已忘記佢叫乜名, 而且又唔見佢再經過了. 下