肥你的家

純問候 按住alt→ 按23628→放 alt 按住alt→ 按40169→放 alt 按住alt→ 按20320→放 alt 然後會出現我想對你說的話 ( 請按鍵盤右邊數字鍵) 問候母親 按住alt→ 按23628→放 alt 按住alt→ 按20320→放 alt 按住alt→ 按32769→放 alt 按住alt→ 按27597→放 alt 然後會出現我想對你說的話 ( 請按鍵盤右邊數字鍵) 晚安 按住alt→ 按35347→放 alt 按住alt→ 按21862→放 alt 按住alt→ 按26578→放 alt 按住alt→ 按38957→放 alt 然後會出現我想對你說的話 ( 請按鍵盤右邊數字鍵) 原來我同我既friend 真係好無聊

琴日同左Jackie既朋友們食飯, 交換左聖誕禮物. 最特別既禮物就係karen 同佢男友送出既拖鞋. 係好軟綿綿既拖鞋黎既. 做型極之抵死, 一左一右分別係一男一女, 仲要一個著住性感三角褲一個著比堅尼上裝, 再+上佢地既衣服係開以拉低既 -> 笑死無命賠呀 :-) 其實我地一人準備左一份禮物既, 我同Jackie 分別就係紅酒同小形儲物櫃一個(好行呀...-_-") . 而抽到大大牙膏紙巾筒同化妝袋一個. Jackie 可以換下佢用開個個lu :-) . 話時話個紙巾筒真係有型, 白色既紙巾用大大牙膏裝住... 我諗會好似一支真既牙膏. 話時話... 琴日雖然我同Jackie 係比較後生既, 但係我發覺肥左之後真係好似到左中年咁 =.= 唔係辦法... 佢地好似似廿幾多過我似廿幾添...

以下文章轉自某討論區, 原作者已不可考(因上網找原作者發現大多結果了-_-")... 若原作者看到此文章並認為不應在此轉載, 請來信告知. 轉載純為供各同業參考.. 搜索引擎的蜘蛛人（ROBOTS）秘密 我們知道，搜索引擎都有自己的“搜索機器人”（ROBOTS），並通過這些ROBOTS在網絡上沿著網頁上的鏈接（一般是http和src鏈接）不斷抓取資料建立自己的數據庫。 對於網站管理者和內容提供者來說，有時候會有一些站點內容，不希望被ROBOTS抓取而公開。為了解決這個問題，ROBOTS開發界提供了兩個辦法：一個是robots.txt，另一個是The Robots META標簽。 一、 robots.txt 1、 什麽是robots.txt？ robots.txt是一個純文本文件，通過在這個文件中聲明該網站中不想被robots訪問的部分，這樣，該網站的部分或全部內容就可以不被搜索引擎收錄了，或者指定搜索引擎只收錄指定的內容。 當一個搜索機器人訪問一個站點時，它會首先檢查該站點根目錄下是否存在robots.txt，如果找到，搜索機器人就會按照該文件中的內容來確定訪問的範圍，如果該文件不存在，那麽搜索機器人就沿著鏈接抓取。 robots.txt必須放置在一個站點的根目錄下，而且文件名必須全部小寫。 網站 URL 相應的 robots.txt的 URL http://www.w3.org/ http://www.w3.org/robots.txt http://www.w3.org:80/ http://www.w3.org:80/robots.txt http://www.w3.org:1234/ http://www.w3.org:1234/robots.txt http://w3.org/ http://w3.org/robots.txt 2、 robots.txt的語法 "robots.txt"文件包含一條或更多的記錄，這些記錄通過空行分開（以CR,CR/NL, or NL作為結束符），每一條記錄的格式如下所示： 　　　　" : "。 在該文件中可以使用#進行註解，具體使用方法和UNIX中的慣例一樣。該文件中的記錄通常以一行或多行User-agent開始，後面加上若幹Disallow行

前個排msn 有個特別既方法祝人聖誕快樂 按住alt→ 按32854 →放 alt 按住alt→ 按35477 →放 alt 按住alt→ 按24555 →放 alt 按住alt→ 按27138→放 alt 然後會出現我想對你說的話 ( 請按鍵盤右邊數字鍵) 呢個係繁體版. 而家黎個情人版 按住alt→ 按25105 →放 alt 按住alt→ 按24859 →放 alt 按住alt→ 按20320 →放 alt 然後會出現我想對你說的話 ( 請按鍵盤右邊數字鍵) 呢個都係繁體版. 話時話, 唔一定係msn 先得, 係word 入面都得ga. 新年用既 按住alt→ 按26032 →放 alt 按住alt→ 按24180 →放 alt 按住alt→ 按24555 →放 alt 按住alt→ 按27138→放 alt 然後會出現我想對你說的話 ( 請按鍵盤右邊數字鍵) 情人節用既 按住alt→ 按24773 →放 alt 按住alt→ 按20154 →放 alt 按住alt→ 按31680 →放 alt 按住alt→ 按24555 →放 alt 按住alt→ 按27138→放 alt 然後會出現我想對你說的話 ( 請按鍵盤右邊數字鍵) 諗呢個方法出黎個個真係好有心思呀~ :-)

有個朋友近月剛主動和女朋友分手, 女的當然非常唔開心而且要求復合. 本來呢類型既野唔分便外人理, 但係當比其中一方拉落水既時候就有時避都避唔到. 本來和朋友的女朋友只在數年前有幾面之緣, 亦沒有聯絡. 但再上個星期, 見她忽然add 了我的msn, 並謂有重要事情詢問, 叫我打電話給她, 已經感到奇怪. 隱約感到有特別事情發生. 但因事忙把事情放下了. 直到上個星期, 她再用msn 聯絡我, 在老婆的推波助瀾下打了電話過去. 說着說着, 她就把朋友和她之間的事情都講晒出黎. 原來朋友已和她決絕地分手並且搬了出來住, 而且有個多兩個月沒有找她了, 而她也不知道朋友搬了到那裏. 所以就在朋友的msn space內找到了我的msn, 並想從我那邊知朋友的一二. 唉, 當一段關係到此地步, 可以說分手已經是既定的事實. 雖然並不是因為第三者, 但他們之間發生了一些事情而分手, 和朋友討論後可以說已經沒有轉彎的餘地. 既然要分手, 何不做絕一點, 以免拖泥帶水, 返而會誤了女孩子的青春. 奈何殘酷的現實總是難以令人接受, 即使和她傾談了她現在的處景, 她郤仍希望扭轉乾坤. 但人的自由意志又怎會受別人的左右, 若希望我能說服朋友不和她分手只會徒勞. 她仍抱希望可能只是因為朋友沒有第三者及他們增嘗試復合, 但既然試過仍不可以, 就應放手. 現在唯有勸她參加多一些社交活動以擴闊自己的生活圈子, 或學習其他的活動(例如泰拳), 或尋找宗教上的慰藉, 並把她的注意力由這段關係抽離. 由其他朋友的例子看, 唯有時間才能摸平創傷. 但若她自己不走出第一步, 那朋友即使想幫助她, 也幫不了. 希望她發洩過後能重新振作. 或者若朋友找到另一個女朋友即可以令其不再抱有希望, 但看來朋友有好一段時間都不會拍拖. 雖然結束可能是痛苦的, 但唯有自己邁步向前才能走出陰霾. (好像在那兒聽過的?) 人, 都是要靠自己的.

事前留意事項: 1. 首先要確定被整估的一方對於將被整估的殘酷現實毫不知情. 很多人會忽略呢一點, 但呢個其實係最重要既一點. 2. 整估既成功機會正比於整估人既行動人員數量比被整估人既數量的比例. 3. 整估是否成功與是否有事前準備沒有關係. 4. 熟知被整估人的喜惡將增加整估成功率. 5. 整估人成功機率極高的其中一個策略為羊群效應. 人物 兄弟妹三人+表妹一個 年齡為 兄>弟>表妹>妹 目標人物 兄 喜惡特徵: 害怕昆蟲類, 極害怕小強 地點 兩條馬路間的紅綠燈行人過路處. 之前一行人剛走過樹蔭下 過程 1. 兄走在前, 突然間, 弟指着兄的背並發出"嗚嘩~呀"的叫聲, 並裝出害怕的樣子. 2. 兄覺奇怪並想"難道有昆蟲在我背上"並呼叫"做乜呀, 做乜呀, 幫我整走佢" 3. 妹及表妹加入尖叫行例, 三人極力裝出害怕的樣子. 結果 成功. 兄即時除掉上衣並最後發覺在背上的原來是膠紙. :Þ

即是又有project delay 了... 今次真係做左地獄黑仔王... 原本個客星期五下午六點半先confirm 個design, 七點我先正式攞到圖去切wap page 都唔緊要, 要我ot 都唔緊要... 但係, 一個supposed 係公司既手機試過ok 既wap page 同下載遊戲功能, 去到個客同和記個度竟然唔得 一口一" ... 同一個型號既機 nokia n73, 竟然公司個部睇到個page, 但係3 個度睇唔到... 如果係同一個系列既其他型號都話... 唔同型號有唔同分別都唔出奇, 但竟然同一個型號都係咁... 咁即係算點. 呢d唔叫黑仔叫乜. 仲攪到我同壞人+ mouses星期五諗住攪好晒先走... 點知星期一返到公司就出事, 仲要執極都執唔到-_-"... 一路攪到今日... 到而家仲要攪緊...攪到唔緊要, ot 唔緊要, 最慘係, 公司有既機都得, 但係一日個邊未試一日都唔知點. 個種心情仲衰過考試未溫書. 公司d 機又唔齊... 唉... 真係要多謝mouses + 壞人 + 賴屎樂... 等埋我ot 先走... 感動...

係秋冬交替之間既時間, 天氣忽冷忽熱, 容易生病. 不過在這個溫室效應越來越厲害的時代, 珊珊來遲的冬天總是令人欣慰的. 所以, 我決定係呢個轉季既時候生個靚病黎賀一賀佢. :-( 每一個清涼既晚上, 蓋被太熱, 不蓋被又太冷. 但係係太熱的時候來一個"富被", 不但可取其意頭, 更能為自己熾熱的身體帶來一陣清涼舒適的感覺. 而且, 只要明天起床的時候發現自己打個"冷顫", 那便可以生一個應節的病. 所謂小病是褔, 病了若有病假可在家中休息一下也未嘗不是調劑身心的一個機會. 但不幸有如小弟要連續三日才有8成的有薪病假, 再加上睇醫生要自己$ 的話, 這個應節的病也未免貴了一點. 那我還是只好帶着疲累的身體上班. 生病還要上班真的不太好受... 所以, 還是乖乖的保重身體吧!!!

http://www.toysdaily.com/discuz/thread-45215-1-1.html 好靚呀, 淨係睇相已經好想去睇下. Date & Time: 20-30 / Nov, 2007(0800 ~ 2100) Venue: 1/F Devon House, Taikoo Place Admission: Free 搵日帶老婆去睇下先

都市報所載的Armani 型男秘笈 http://news.readmetro.com.hk/news.php?startDate=14112007&newscat=10&newsid=59190 即係男人吸引力因素排名如下: 能力 -> 從容不迫 -> 自信 > 身材 > 樣貌 > 靚鞋 > 衣服 > 打扮 -> = 衍生 > = 大於 咁女人呢? 我覺得: 溫柔 -> 體貼 -> 自信 > 身材 > 樣貌 > 靚鞋 > 衣服 > 打扮 差唔多

係二十多年來既生活裏, 總會遇上一些愚不可及的藉口. 這些藉口的共同特徵是講了都沒有人信及只會另人更確定"你衰左啦". 由於講呢類型既藉口的損害性極大, 及有令別人覺得你白痴的副作用, 故特留此篇以時刻提醒自己及各路好友以免重蹈覆轍. 故事一: 女主角: 男主角的女朋友 男主角: 女主角的女朋友 女配角: 男主角的前女友 女朋友跟男朋女已拍拖好一段日子. 由初時你儂我儂的甜蜜熱戀期發展到細水長流(hopefully)的隱定關係期. 雖然未發展至同居, 但因男的是獨居的關係所以女的都好自然會把一些個人物品放於愛人家中. 由於現代人的性觀念日漸改變, 男女朋友想有更甜蜜深入的關係也很正常. 但又未到共諧連理的時刻, 如果懷孕了, 那怎辦? 拜現代先進科技, 他們選擇了最多人用的的避孕方法-避孕套. 使用避孕套, 即時, 方便, 通用, 持久. 除了會留下明顯證據這個缺點外, 實在係最佳的避孕方法. 何況在正常情況下, 一個被一對份屬男女朋友關係的男女使用過的避孕套實在沒有甚麼大不了. 正如誰會關心一個比兩公婆用過的condom? 何況棄置得當的話, 那能找得到用過的condom啊, 相信即使有別有用心的人也很難拿一個用過的condom 說甚麼, 除非是基督徒吧. 那, 男女朋友時不時都會在男方的家中共徒巫山. 因condom 是消耗品的關係, 所以時不時都要添貨. 那管貨的重任就落在細心的女朋友身上了. 男人呢, 最緊要要用時有得用就可以了. 所以管貨的責任一直在女朋友的身上, 而且一直都相安無事. 即使女配角出現了, 男朋友對女配角的態度比對女朋友更好, 甚至令女朋友覺得女配角才是正印女朋友也不要緊, 女朋友一直也沒有對男朋友產生懷疑. 直到有一天... 直到有一天, 女朋友發現一盒原本還未有開封的condom 開封, 並有數個不見了... 女朋友(發現了開封了的condom 盒, 一看之下發現不了數個, 滿腹疑團地問): 點解無啦啦冇左幾個condom 既?? 男朋友(一時之間不知所措): er... 女朋友(傷心, 妒嫉皆有之地質問): 你快d 講去左邊呀!! 男朋友(心慌地): er... 我打飛用左之ma! 女朋友(希望這個荒謬絶倫(我認為)的藉口是真的): 真... 真既!? 男朋友(見女朋友開始信, 理直氣壯地): 緊係, 我都想試下好

我唔係講恆指... 係講緊我個肚. 唔知點解佢同恆指一齊瀉緊. 幾時先瀉完呀. 我今日仲瀉緊喎, 唔通恆指仲未瀉完?

自從之前細佬叫我同佢班 friend 去過游船河之後, 我竟然連續三個星期都有去沙灘玩. 係沙灘對住藍天白雪, 係水裏碧波暢泳, 真是人生一大快事. 科學家話運動會令人產人愉快既感覺, 一d 都冇錯. 而且去沙灘更係一個多元化既消閒活動, 可以游水, 可以晒太陽, 可以玩沙, 可以玩下集體活動, 水上活動更加唔小得. 而且游水仲係一個好好既修身活動. 呢三個星期後我都發覺自己瘦左唔小. 不過就快十一月lu, 又要等下一年. 不過呢個十月都好似比以往既十月熱. 唔知係咪因為溫室效應既關係呢? 我就寧願玩小 d都唔好天氣反常了... 唔好話留返個好既環境比下一代, 我已經開始懷疑連保持一個可正常生活的環境都難了... 咁以後就唔可以去沙灘玩了...

呢編野係我係半夜差唔多兩點半仲係公司時打的. 事源小弟有個project 要今日出, 但不幸地delay 左. 所以成team 人要做到而家. 雖然有好多好多既原因係度, 但我都要負最大既責任. 而家我地幾個都仲係度攪緊, 希望攪得掂啦.

上兩個星期, 我公司幫client 要做一個blue tooth project. 個project 係要用blue tooth cover 成個運動場的. 但係我個同事出左錯, 原本要幾部 notebook 既project 佢只係quote 左兩部弓notebook 既價錢比客 Σ(゜д゜;) . 係唔想得失客人同麻煩公司既情況下, 佢就向左我地呢d 有notebook 既同事入手... 原我本我都唔想借notebook 比佢, 一來, profit-making 既公司project 係唔應該靠同事既私伙野去圍皮既, 咁樣只會令project 既true value 反映唔到出黎, 如果真實情況公司既其他人唔知, 腦細又唔知, 咁下次只會做返同樣既錯誤決定. 第二, quote project 既時候, made 左mistake, 當然要諗計補救, 但係唔考慮有冇可能用公司資源就可以補救到既時候就搵晒我地幫手, 呢個壞習慣唔單只唔能夠令公司係有wok 既時候做到適當既反應, 搵返適當既channel 幫手, 反而會傾向依靠一個唔穩陣既channel (例如攪事之輩, 我)幫手, 但呢d channel 唔係一定幫得到既. 咁下次有事時呢個channel 一冇左就會唔知點算. 第三, profit-making 既野要我地員工suffer 去幫你賺錢 (要借我部野成個星期, Jackie 要成個星期冇電腦用), 比着我呢d 咁既孤寒人士, 我真係覺得恥笑你都晒我氣. 最後, 而且係最重要既, 就係個覺得ot 係老馮加上淨係識得搵員工苯既腦細, 我既結論就係唔值得幫. 加上我部野又壞壞地, 岩岩整完無耐, 借比你我又驚壞, 咁你叫我點借? 但係係我個同事苦苦相求之下(其實我係見到個灰左所以心軟), 係事先聲明我部野係虧虧地, 岩岩整完, 同唔想睇住佢死既情況下, 我都係借左比佢. 佢仲同我講話會買保險添. 雖然我知部野好似壞壞地保險好似係唔會倍既. 但係都增加左我既信心. 點知, 要出事既都係會出事... 就係琴日游完水之後, 我接到我同事個電話... 同事sa (實地做野既同事) :[肥你, 你部野開唔到喎, 之前有冇試過咁ga...] 我 :[有呀, 我部野之前都係因為咁攞過去整, 阿邊個(接project 個位)唔係話買左既咩, 咪睇下有冇得claim l

荷理活有一齣電影是有關複製人的. 電影中把一個人複製的過程是這樣的: 把肉體複製及促進成長到那個人的現時狀態. 然後定時把記憶備份. 到那個人要利用複製人時, 就把最新的記憶備份放進複製的肉體. 那完整, 與真身分別不了的複制人就完成了. 因為有相同的肉體及記憶, 所以如果真身不知道已被複製的話, 真身及複制品都會認為自己是真身的. 看過這電影後, 經常胡思亂想的我便在想: 現在的這個我真的是我嗎? 還是不經不覺中我已經被調換了? 這個我其實是複製的我, 真身可能和電影裏的主角一樣為自己的生存搏鬥, 或可能已遭毒手... 現在的我可以說是以往的我的累積. "我"的這個實體, 思想, 行為, 對事物的反應, 價值觀等等都是由以往的記憶所形成的. 可以說, 不單這個我不能確認自己的記憶是否真實(若真的有人能改寫記憶), 甚至自己也不能確認自己是以往的延續還是複製(想得太多了吧, 就假設電影橋段是可能的吧). 試想像, 即使記憶不能複製. 只要自己突然間失去所有記憶, 自己便可以是另一個人了. 若然有人把失去記憶的我流放到食人族, 或是一個女性主導的社會, 或是一個道德標準和這裏完全不同的族群而我又比接受, 並把當地文化道德灌輸給我, 那自然自己的價值觀就會和香港社會完全不同了. 即是, 現在的我只是過去的記憶的累積. 我只能以為自己係自己, 而人的記憶是不可靠的(例如我自己都會因為記性不好而做錯野或做漏野. 所以pda 真係一個偉大發明).

(3/8/2007) 過左去個星期五個晚過左去岳父個度訓, 諗住星期六(4/8/2007) 一早過黃竹坑睇 Andy passing out. 係岳父度訓可以訓多d. 點知個晚就聽到佢地個邊有個不好的消息, jackie 二伯公仙遊左... 只係入左醫院兩日都唔夠, 唉. 不過都成九十, 都係古來希既年紀. 他的家人都可以說有了心理上的準備, 而我岳父想必也會看看有甚麼可以幫忙. 還記得擺酒那天看到他還算精神, 雖不能說壯健(他很瘦小的), 但思路清晰, 看上去沒有甚麼老人的問題. 但後來被驗出有後期的淋巴惡性腫瘤. 當開始了第一次的化療不久, 就茶飯不思, 然後好快就去左了. 其實, 好多時老人家患上呢類型既重症醫生都唔會用化療呢類型咁大副作用既治療, 而返而用一d 舒緩治療去減少病人既痛苦, 等佢可以舒服d 走埋最後一段路. 每個人都會離開的, 分別只是有沒有人記得吧.

已經好耐冇準時出過糧lu。今次出糧之外仲有之前做freelance 既部份$, 連埋份糧有成 2 萬蚊!! 嗚啊~呀!! 咁大個仔都未試過見到自己戶口多過2 萬蚊啊!! 真令人感動!! 諗住今個月就算比埋家用老婆, 再交埋卡數同水電雜費等應該會有$ 剩, 本來想食返餐好既慶祝下!! 但係我竟然忘記左今個月老婆要交學費 Σ(゜д゜;) !!! 其實老婆之前都有講過, 但我竟然冇諗過幫佢交... ( ﾟдﾟ) 真過份... 我竟然忘記了... 好彩 Jackie 今期只係讀兩科, 都負擔得起. 不過今個月就要慳d 了... 一舜間就由新高點打回原型（ ´,_ゝ`) ... 真係要努力搵 $ 先得. 最好有返一兩份freelance 咁啦...

勁, 攪掂左the hardest mario mod http://www.youtube.com/watch?v=HMcvThAbDVU&mode=related&search= 笑死, 第一次玩the hardest mario mod 的崩潰感覺 http://www.youtube.com/watch?v=fwvtREuu6yo&mode=related&search= super mario brothers in 5 mins http://www.youtube.com/watch?v=NPjsBsz4trk&mode=related&search=

http://forum.taobao.com/forum-77/show_thread----9597072-.htm 太震撼了...從沒想過效果可以是這樣。發貼人真的很好，可以把這個技巧分享。在討論區分享必定受了不同人的猜測的意見，發貼人定必要先有心理準備吧。先在這裏說聲多謝了。說實話，效果震撼。第一次看到時真的不能說出話來。 今晚要和老婆分享一下。:)

http://ipress.com.hk/companyview.asp?id=13896

大家有嘗試過回想出生時的感覺或幻想過死時的感覺嗎? 自出娘胎以來, 小第從來沒有想過自身生死的問題, 即使親人仙遊, 也只有永別親人的傷心, 卻從沒有令自己聯想過自身的問題. 直到遇到了Jackie. 我的至愛, 我開始產生了害怕失去她, 與她別離的感覺, 自始甚至會胡思亂想, 想像與她別離時的痛苦. 那種只要想一想就比死更難受的感覺, 令我害怕死亡, 害怕死亡會把我帶到不知名的遠方, 害怕死亡把我帶到沒有她的地方. 有矛盾, 是嗎? 若那種感覺比死更難受, 為何我會怕死呢? 那種感覺不是比死更難受嗎? 死了就甚麼都沒有了, 沒有感覺, 沒有意識. 那又有甚麼可怕呢? 何況沒有意識感覺的人, 是不會產生感覺和被感覺所影響的. 怕甚麼? 怕, 是因為我認為死不是那樣的, 我心中的死亡是意識墮落無盡的黑暗中, 永無邊際的孤獨及走不出的絕望. 沒有意識的死不可怕, 可怕的卻是生離死別, 死後的存在及無可推想預測的認知. 在這段被自我制造的死亡陰影下, 晚上無法入眠, 早上無法工作. 這段日子身心俱疲. 好像沒有法子生活下去了. 直到有一天, 我和jackie 說起了這個想法. 她便和我說, 死是沒有可怕的. 死後甚麼都沒有了, 有甚麼可怕? 然後, 雖然仍有着對生離死別的點點害怕。但己沒有了對死亡後未知的恐懼了. 最小, 既然我那仙遊了的公公沒有回來告訴我死後如何, 我為甚麼要自製恐懼? 還要被自己個半死 !? 現在回想起來, 我有這種想法的原因可以說是受到各種各樣的外在資訊所影響. 電影, 宗教, 道聽途說的故事, 散文, 網上資訊等等. 往往, 這些資訊描寫死後的世界都是比較負面的. 再加上與jackie 拍拖結婚後, 好像甚麼都有了. 人有了就怕失去. 當你的生命可以擁有很多的時候, 你會特別眷戀生命. 但當你老了, 可以擁有過的東西都有過了, 可以經歷過的都經歷過了, 可以失去的都失去了, 生命再也不能帶來任何色彩時, 生命還有甚麼價值? 這是否就是人老了就可以"睇化"的原因? 我還未到那時候, 不知道. 但知道我現一定要享受生命, 不再為自製恐懼而煩惱.

你是電視廣告迷﹗ 你有84分，你對 七 、八、九十年代的廣告瞭如指掌！ 能得到這樣的分數，你簡直是一個標準的電視廣告迷！你對七、八、九十年代之間所播放的廣告都十分留心。嚴重一點說，每當電視開啟了以後，你可能每一分一秒都是目不轉睛地看著，就算連電視廣告也不放過。在年幼時，你說不定暗地裡曾經和朋友重演過某些廣告的情節吧？ 老餅廣告測試 嗚wa~~~~ 睇完 呢編 文章之後學人走去玩... 點知有成84分... 我都係80 年代(8x, x<2,>.<)出細啫... 乜解夠而家我好似咁老餅咁...

自舊年停左游水之後，小弟真係發福了不少。不過對上份工因為都會和同事們踢下波，所以都未到最嚴重的的時刻。但返左呢份工就有四個月之際，我發覺我既身體狀況已經到左一定要改善，刻不容緩既地步！！！ 小弟唔單止體能出現大幅度既下降，而且唔知係因為長時間工作或太少運動既原因，開始心理同生理都開始發生問題，包括情緒不穩，心悸，胸口痛等等等... 還好 Jackie 對小弟百般忍讓，仲陪我開始游水鍛鍊，而家小弟既心情先開始稍為穩定。為左我個咁好既老婆，我一定要好好努力找回以前既自己！！！ 不過發現左原來工作既壓力真係對人有好大既影響(至少對自己係)。當工作時間開始增加，增加到沒有時間去做自己想做的事情和興趣時，人(我)係會開始有很多負面情緒的。而這些又影響到工作表現，帶來更長時間的工作，做成惡性循環... 所以 Jackie 話我的 eq 不夠高控制不了自己的情緒是真的。這亦會影響到自己的行為及工作。所以話eq真的會影響到自己的成功。 好，今天開始身心的鍛鍊！！！

木村為gatsby 拍了新廣告, 個人認為奇差. 但係睇過以下片段之後我終於明白木村點解係木村了 http://www.youtube.com/watch?v=G9VhpRqykzg

>.< 今日我阿頭同我傾我做緊既 project. 個project係利用 sms 做 mobile application 既 activation, 咁好自然就會涉及 cipher . 佢同我講話個客因為唔想係人 decompile 到個 software 時會好容易比人 crack 到個 message, 所以想我加利用 timestamp select encryption key 既功能 ... 其實我覺得要加野都唔係一件最慘既事, 因為要加都唔係好用好多時間. 但係當佢用到 "當個 app 比人decompile 既時候, 可以 secure 啲" 呢樣野我真係不敢認同 (仲要有少少激氣添). 係人都知係呢個世界上係唔會有攻不破的加密方式. 所以保密既策略係利用不斷改進既加密技術令到成功破解既成本增加 (時間同金錢), 另到即係埋論上可以功解密都好, 個 message 都可能因過時等種種原因而失去價值. 如果話得比人 decompile 到. 咁基本上乜都比人知 , 仲要慳 $ 用 open source 既encryption engine >.< ...... 唉 ...... 咁怕比人crack 到仲乜唔比 $ 用 Asymmetric 既 algorithm ...... 或者, 最重要既係, 點解要我呢個未讀過 cipher 既人諗埋呢樣野呢 >.<