2023-09-13, Wednesday, Cloudy
新工上遇上了挫折。寫好的東西達不到標準需要別人執手尾了。雖然同事說沒關係，但反應了自己的不足。有時反省自己為何做事總是不好，為何別人有留意或想到的事情自己總是忽略。現在覺得是自己天生的思考模式問題，可能看多少書都沒用。或者自己應該更適合做地盤呢類工作，而唔係IT。
2023-03-10, Friday, Cloudy
- Get link
- X
- Other Apps
2023-03-10, Friday, Cloudy
琴日知道有工作危機之後, Raymond同阿June即時約左我今日食晚飯, 諗住開解下我傾下計咁啦.
佢地兩個都好好人, 對我呢個同事既工作危機都咁上心. 作為朋友+同事真係好好. 不過同樣地, 我覺得好似麻煩左佢地咁.
我地去左Trafford centre 果間Pesto食飯, 原來果度有個餐係10.99/12.99 一位, 然後每人可以揀3樣野食咁架, 再加飲品, 每人都係廿頭, 都係一個唔錯既選擇. 起碼有9 樣野大家可以試. 有好食有唔好食啦, 但大多都唔錯, 然後我地仲要食唔晒. 我覺得可以搵日同小朋友再去試下.
席間傾左好多野. 去到講我既工作時, 阿June都比左好多好好既意見. 其實自己做得唔好既地方, 自己都會知的. 所謂唔夠主動呀果. 但我本身入黎做時真係唔知要負責呢D, 同埋唔太識管理. 然後無人帶, 加上project出事, 咁就出事了... 係我角度睇, 啲野本身係team lead做, 而我上司亦無指示我要點做. 出事就講句:[ 呢D 你要睇架喎.]咁, 其實對我黎講唔太公平. 雖然有樣野阿June講得岩, 老細比呢個價錢你, 唔預你做低層資既事, 而係做管理既事, 而管理係要主動既. (所謂你唔管人, 人就管你)
但真係用錢去講既話, 其實老闆呢種唔講清楚就話你咁既人工要做呢D 既心態, 亦唔係一個合理既管理方式. 講錢既話, 公司個個人工都唔同, 而且對老闆黎講一定係人工越低越好. 咁係咪低過一個點, 就唔洗做指派佢做既事呢? 定責不清, 無統一既系統管理, 而我本身都只叫technical consultant, 但突然就變左做咁, 我又點知我有無咁既權/責去處理呢?
不過點都好啦, 聽完分析, 都覺甚有道理. 而家都去到最後階段, 咪唯有試下新方式工作, 睇下效果係點. 咁起碼比人炒前都叫有機會試過下管一大班人係乜一回事.
最後走時我架車得返兩格油, 阿June佢地兩公婆好好咁陪我去入埋油先走. 返到去都成十點半了.
朋友恩情在心中.
- Get link
- X
- Other Apps
Popular posts from this blog
自決派忘記初衷
現時泛民主要分為兩派，一以實務為重，表明支持薯片的就是從實際出發，見到有擺脫極左鬥爭路線管治香港的都希望能把握時機，選出一個即使是建制內的參選人，但最小能看到有溝通可能的人選。而另一邊是以理想為重，堅持公民提名，及提倡民主派應不投票的自決派。 退一步來說，現時自決派所做的公民提名程序可以說是實踐其理想而必要的行動。另一方面睇，雖然我不支持自決派推舉多一個候選人，而不襯機會與泛民團結而為香港選擇一個比奶媽更好的特首。但作為民主及公民提名的支持者退一萬步去想，就是尊重民主制度的話，是沒理由以支持薯片/反奶媽等理由去阻止他們推舉多一個候選人的。最少我們也要尊重他們有異議的權利。甚至明知奶媽會當選也好，也應該尊重他們反對薯片的權利。另一方面看，其行動現時亦是對其支持者的交待(我是投朱凱廸的但我不支持其行動)，及堅持其主張的行動。不用陰謀論視之，亦能理解。 不過若是堅持追求民主，而提倡泛民要投白票，則捨本逐末，忘記初衷了。從來改變政體的追求都不是能一蹴而就的。特別是現時社會上建制的支持者也不小，即使不看背後的中共勢力，只看現實也知不可能有任何即時改變。那在現實的限制下一步一步的改變及鞏固成果即是最可行的策略；另一方面，民主本就要尊重各人的選擇。若只為堅持理想，但在現實中卻不得寸進，而且同室操戈，那就真的忘記初衷了。 現時公民提名行動進行得如火如荼，雖認為1%的選民人數作為公民提名是取巧，但如若1%都拿不夠，或最後長毛不夠票入閘，那投暗票時手上有票的要做最有實際利益的選擇，而不是堅持白票。 畢竟，長毛堅持了這麼多年，而朱凱廸對其信念的堅持，我不願以陰謀論視之。但堅持信念還需思考堅持信念的客觀效果。如果自決派內盡是不切實際之輩，那我下次選舉時票投建制好了。還掂投自決及泛民都不得任何實際進步，那看看香港能否如鳳凰般涅槃重生吧。
生的感覺、死的感覺
大家有嘗試過回想出生時的感覺或幻想過死時的感覺嗎? 自出娘胎以來, 小第從來沒有想過自身生死的問題, 即使親人仙遊, 也只有永別親人的傷心, 卻從沒有令自己聯想過自身的問題. 直到遇到了Jackie. 我的至愛, 我開始產生了害怕失去她, 與她別離的感覺, 自始甚至會胡思亂想, 想像與她別離時的痛苦. 那種只要想一想就比死更難受的感覺, 令我害怕死亡, 害怕死亡會把我帶到不知名的遠方, 害怕死亡把我帶到沒有她的地方. 有矛盾, 是嗎? 若那種感覺比死更難受, 為何我會怕死呢? 那種感覺不是比死更難受嗎? 死了就甚麼都沒有了, 沒有感覺, 沒有意識. 那又有甚麼可怕呢? 何況沒有意識感覺的人, 是不會產生感覺和被感覺所影響的. 怕甚麼? 怕, 是因為我認為死不是那樣的, 我心中的死亡是意識墮落無盡的黑暗中, 永無邊際的孤獨及走不出的絕望. 沒有意識的死不可怕, 可怕的卻是生離死別, 死後的存在及無可推想預測的認知. 在這段被自我制造的死亡陰影下, 晚上無法入眠, 早上無法工作. 這段日子身心俱疲. 好像沒有法子生活下去了. 直到有一天, 我和jackie 說起了這個想法. 她便和我說, 死是沒有可怕的. 死後甚麼都沒有了, 有甚麼可怕? 然後, 雖然仍有着對生離死別的點點害怕。但己沒有了對死亡後未知的恐懼了. 最小, 既然我那仙遊了的公公沒有回來告訴我死後如何, 我為甚麼要自製恐懼? 還要被自己個半死 !? 現在回想起來, 我有這種想法的原因可以說是受到各種各樣的外在資訊所影響. 電影, 宗教, 道聽途說的故事, 散文, 網上資訊等等. 往往, 這些資訊描寫死後的世界都是比較負面的. 再加上與jackie 拍拖結婚後, 好像甚麼都有了. 人有了就怕失去. 當你的生命可以擁有很多的時候, 你會特別眷戀生命. 但當你老了, 可以擁有過的東西都有過了, 可以經歷過的都經歷過了, 可以失去的都失去了, 生命再也不能帶來任何色彩時, 生命還有甚麼價值? 這是否就是人老了就可以"睇化"的原因? 我還未到那時候, 不知道. 但知道我現一定要享受生命, 不再為自製恐懼而煩惱.
法式甜品可麗路 （Canele）
食過朋友介紹既呢個法式甜品，香脆香甜既外殼，軟糯柔滑既內饀令人難忘。最後忍唔住上網搵資再訂左8個模整，效果唔錯，等我寫低佢先。 食譜用以下網站既食譜： https://ciao.kitchen/canele/ 經典可麗露 （可做12~14個） 材料： 550 ml 牛奶 / milk 50 g 無鹽奶油 / unsalted butter 220 g 砂糖 / sugar 少許 鹽 / salt 110 g 高筋麵粉 / bread flour 2 顆 全蛋 / whole egg 2 顆 蛋黃 / egg yolk 50 ml 蘭姆酒 / dark rum 1 支 香草莢 / vanilla bean 適量 蜂蠟、奶油 / beeswax, butter （塗模用） 最後我係無用beewax，但效果然係唔錯既。材料就係759買...雲尼拿莢就淘寶...質素比想像中好。 做法同食譜前面大致一樣，但因為我較懶有啲位偷雞。而我係用氣炸鍋既，所以溫度同時間又有啲分別，參考左另一個食譜。 用160度焗佢1小時就差唔多，間中望下見佢頂左出黎就禁返佢落去，因為掂唔到個模會唔上色。1小時後離模如果見有小小白頭咁就直接翻轉焗多佢10-15分鐘上返色。 焗完記得放涼等佢硬身先食。
Comments