爆地板之後

踏入2008 年, 我同Jackie 收到既第一份大禮竟然來自我地既屋企.

當時既情況係咁既, JACKIE 0岩0岩入左廚房攞野食, 而我就係個廳度用力咁拉緊機, 係呢個時候, 個地板突然發出爆裂既聲音...

然後, 我地就睇住個地板自己突然間自己突起左啦... 兩塊地板之間既縫裂左, 地板蹺地左, 兩塊地板好似兩個大陸板塊咁, 之間做左座山仔出黎

如果要想像既話, 有睇過星矢既人就會明白... 個板就好似星矢打十二宮時, 佢發揮佢既小宇宙時, d 地板承受唔住而爆開咁. 係個刹那間我仲以為自己係聖鬥士, 個小宇宙因為拉緊機用緊力而爆發左出黎添.

當然我好快咁返返去現實並為呢個咁既地板而煩惱啦. 打電話去管理公司問過, 而家仲等緊整.