肥你的家

希債係黑天鵝?玩咩... 兩年前歐盟一早有晒應付方法。而對各大銀行黎講其實都係預左會發生既事, 衝擊實有, 但對全球影響可以有幾大?經濟上黎講佢只佔歐盟1%多小小, 事情又係預左會發生, 加上佢本身係一個旅遊為主既國家. 與其話今次係黑天鵝, 不如話係有心比佢破產, 歐盟大國唔想再借錢比一個無底深潭好過. 成件事最大衝擊最多都係希臘會唔會脫歐. 如果之前睇過幾個對希臘民眾對歐盟大國觀感既分析是正確的話, 公投唔接受歐盟方案. 但攪得公投就預左唔會接受. 經濟已差到無朋友, 做大國既歐美日中自己就狂印銀紙, 而希臘就要節衣縮食? 如果希臘政府同市民真係覺得個債係佢地要承擔既, 跟本唔會攪幾年都攪唔掂. 何況而家都走到最後一步. 到最後, 因錢傷感情, 如果俄羅斯肯比錢希臘, 可能希臘會向俄國靠攏. 不過脫歐就應該短期內都唔會, 畢竟留歐對歐盟同希臘都有着數. 而今次個市可能只係跌返個短時間就會重拾升軌. 如果真係要講跌, 睇美國九月加息真係重要過希臘. https://en.wikipedia.org/wiki/Greek_bailout_referendum,_2015 http://www.bbc.com/news/world-europe-33311422 http://www.reuters.com/article/2015/06/27/us-eurozone-greece-idUSKBN0P40EO20150627 應該係 6月尾7 月頭跌, 7 月尾 8 月升, 8 月尾跌等加息, 然後唔加就升到年尾.

Found something about OCR: http://stackoverflow.com/questions/4836136/android-ocr-library